परिचय

झापा जिल्लामा प्रेस चौतारी नेपालको जिल्ला संरचना २०५५ मा बनेको दस्तावेजमा उल्लेख छ । केन्द्रमा प्रेस चौतारी गठन भए लगत्तै झापामा पनि नेकपा एमाले समर्थक पत्रकारहरुले जिल्ला संरचना बनाएका थिए । प्रगतिशिल पत्रकारहरुको नाममा तत्कालिन नेकपा मालेमा पनि पत्रकारहरु सक्रिय थिए । एमालेमा पत्रकारहरुको अलग्गै संगठन संरचना थिएन । एमाले निकट पत्रकारहरु पनि संगठित हुनुपर्छ भन्ने मान्यता बोकेर केन्द्रमा प्रेस चौतारी घोषणा भएको थियो । केन्द्रमा घोषणा भएको दुई तीन महिनाभित्रै झापा जिल्लामा नेत्र प्रसाद पाठकको अध्यक्षतामा ६ सदस्यीय तदर्थ कमिटी बनेको थियो । उक्त कमिटीमा तोयानाथ उपेक्षित उपाध्यक्ष, गणेश पोखरेल सचिव, रमेश गौतम कोषाध्यक्ष र सदस्यहरुमा कमल मिश्र, रमेश पोखरेल थिए ।

संस्थापक अध्यक्ष नेत्र पाठक भने स्वर्गीय भइसक्नु भएको छ । त्यसपछि प्रेस चौतारी झापाको अध्यक्षमा क्रमश: तोयानाथ उपेक्षित, गणेश पोखरेल, माधव विद्रोही, गोपाल गड्तौला, गोपाल काफ्ले, मुक्ति पौडेल, टिकाराम उप्रेती, मनकुमार गदालले जिम्मेवारी निर्वाह गरिसक्नु भएको छ ।

२०८१ माघ ११ गते सम्पन्न १० औं जिल्ला अधिवेशनबाट प्रदीप परियारको अध्यक्षतामा सर्वसम्मत जिल्ला समिति निर्वाचित भएको छ ।