परिचय

प्रेस चौतारी नेपाल उदयपुर जिल्ला समितिको स्थापना २०५७ पुस १९ गते एक भेलाबाट भएको हो । भेलाले लिला प्रसाद निरौलालाई संस्थापक संयोजक (अध्यक्ष) चयन गरेको थियो । निरौलाको संयोजकत्वमा गठित समितिमा मोहन बहादुर कार्की, त्रिविक्रम ज्ञवाली, प्रकाश कुमार बस्नेत, कुशलबाबु बस्नेत, महेश विष्ट र धनकुमार श्रेष्ठ सदस्यमा रहनुभयो । उहाँहरू सक्रियतामा २०५९ साल भदौ महिनामा प्रेस चौतारी नेपाल उदयपुरको प्रथम अधिवेशन सम्पन्न भयो ।

अधिवेशनबाट अध्यक्षमा लिला प्रसाद निरौला सर्वसम्मत निर्वाचित हुनुभयो । चौतारीको २०६६ माघ ७ गते सम्पन्न दोस्रो जिल्ला अधिवेशनले प्रेस चौतारी उदयपुरको नेतृत्वमा भरत खड्कालाई अध्यक्षमा सर्वसम्मत चयन गरेको थियो ।

त्यसैगरी २०६९ पुस २१ गते सम्पन्न तेस्रो जिल्ला अधिवेशनबाट पुनः भरत खड्काकै नेतृत्वमा जिल्ला समिति चयन भयो । खड्का पछि प्रेस चौतारी उदयपुरको अध्यक्ष बबिता परियार, गणेश उप्रेती, जीवनाथ दाहाल र पुरुषोत्तम सापकोटा सर्वसम्मत चयन हुनुभयो ।

२०८१ माघ २२ गते सदरमुकाम गाईघाटमा सम्पन्न भएको प्रेस चौतारी नेपाल उदयपुर जिल्ला शाखाको आठौँ जिल्ला अधिवेशनले अन्जनी कुमार अधिकारीको अध्यक्षतामा ११ सदस्यीय जिल्ला समिति चयन गरेको छ ।